Prej muajsh, qytetarët detyrohen të mbajnë maskat në çdo ambient, në kuadrin e masave anti-Covid. Në të kundërt, nëse konstatohen pa maskë, policia i vendos masën administrative, në shumën 3 mijë lekë të reja.
Por Ylli Manjani, ish-ministër i Drejtësisë, përmes një postimi në rrjetet sociale, shprehet se kjo vshtë shkelje e nenit 27 të Kushtetutës. Manjani shprehet se masat po kufizojnë liritë e qytetarëve.
“Vendosja e maskës dhe ndalimi i lëvizjes janë pa dyshim kufizime të lirive të individit. Arsyeja është e kuptueshme në kushtet e pamdemisë.
Mirëpo Kushtetuta në këtë nen është specifike. I drejtohet personit jo popullatës. Maksimumi po themi i drejtohet personave që janë burim infeksioni, ose edhe personave që duke u infektuar bëhen burim infeksioni. Deri këtu jemi në rregull”, shkruan Manjani.
Por sipas tij, pyetja që shtrohet është: dikush që e kaloi virusin, dmth as infekton më njeri e as infektohet nga dikush, përse duhet të detyrohet të mos lëvizë dhe të mbajë maskë?!
Postimi nga Ylli Manjani
Shihni pak paragrafin 2 pika “d”, ju lutem. Është neni 27 i Kushtetutës.
Vendosja e maskës dhe ndalimi i lëvizjes janë pa dyshim kufizime të lirive të individit. Arsyeja është e kuptueshme në kushtet e pamdemisë.
Mirëpo Kushtetuta në këtë nen është specifike. I drejtohet personit jo popullatës. Maksimumi po themi i drejtohet personave që janë burim infeksioni, ose edhe personave që duke u infektuar bëhen burim infeksioni. Deri këtu jemi në rregull.
Tani çështja është kjo:
një person që nuk është më burim infektimi për të tjerët, përse duhet ti kufizohet liria?!
Pra për të qenë më konkret, dikush që e kaloi virusin, dmth as infekton më njeri e as infektohet nga dikush, përse duhet të detyrohet të mos lëvizë dhe të mbajë maskë?!
Për komitetin ekzekutiv, e kam këtë pyetje…
