Mazhoranca ka miratuar me 80 vota pro shqyrtimi me procedurë të përshpejtuar të marrëveshjes për anëtarësimin e Shqipërisë në Bordin e Paqes.
Sipas dokumentit zyrtar, marrëveshja është miratuar në parim nga Këshilli i Ministrave me vendimin nr.45, datë 21 janar 2026, dhe parashikon që Shqipëria, e përfaqësuar nga Kryeministri Edi Rama, të bëhet pjesë e Kartës themeluese të Bordit të Paqes.
Votimi i Kartës ka shkaktuar përplasje në seancën plenare. Kreu i Grupit Parlamentar të PD-së, Gazment Bardhi ka akuzuar mazhorancën për shkelje të Kushtetutës.
Sipas tij PS kërkon që të zhurmohet fakti që sot po mbahet në Gjykatën Kushtetuese seancë për pezullimin e Ballukut, ndërkohë që kjo e fundit ishte e pranishme në seancë.
“Ju nuk doni t’ia dini as për ligj, Kushtetutë apo procedurë. Ju duhet për të zhurmuar zonjën që duhet të ishte në GJK sot jo këtu. Duhet të ishte në burg sipas kërkesës së SPAK. Duhet të zhurmonin intimidimin që i keni bërë GJK për rastin dhe aferat e Ballukut e oburra të shkelim çdo ligj e procedurë”.- është shprehur Bardhi.
Pas debateve, Niko Peleshi ka shtyrë me një orë seancën, ku tha se fillimisht duhet që të mblidhet Komisioni për Europën dhe Punët e Jashtme, e më pas projektligji të kalojë sërish në seancë.
LEXO EDHE:
