Kreu demokrat, Lulzim Basha, gjatë një bashkëbisedimi me studentë, tha se vendimet e Parlamentit favorizojnë 4 apo 5 persona, ndërsa mbi 2 mld euro kanë shkuar për kontratat e 10 apo 12 oligarkëve. Sipas tij, kjo është arsyeja pse është thelluar hendeku mes një grushti personash me shqiptarëve.
Basha tha se në fillimin e pandemisë, PD kërkoi dyfishimin e ndihmës ekonomike, gjë që u refuzua nga Qeveria Rama. Ai shtoi se tashmë duhet një regjistër i përditësuar i familjeve në nevojë, ndërsa shtoi se zgjidhja afatgjatë për pabarazinë, është zhvillimi i qëndrueshëm ekonomik i vendit.
“Më 25 prill duhet ndryshim, jo rotacion. Ndryshimi në ekonomi nis me anullimin e koncensioneve. Ndryshimi në ekonomi është taksa e sheshtë 9 %, ulje e çmimit të energjisë dhe karburantit”, tha Basha, ndërsa premtoi luftë ndaj monopoleve dhe oligarkisë.
Ai akuzoi Kryeministrin Rama se përveç 2 mld euro që i ka dhënë oligarkëve, janë qindra miliona euro që janë dhënë për fasada.
“Janë 7 miliard euro të zhdukura në buxheti i shtetit në 7 vite”, tha Basha, duke shtuar se më 25 prill zgjedhja është e qartë: vazhdimi i rrënimit ose ndryshimi.
Ai u shpreh se ka ardhur koha t’i themi mjaft anormalitetit, ndërsa theksoi se më 25 prill, të bashkohemi rinia dhe opozita për ta ndryshuar!
“Ndryshimi nuk vjen duke ikur nga problem, ndryshimi vjen duke larguar problemin. Të ngremë një qeveri që mendon për njerëzit, jo për vete.Basha: Të ndërtojmë një qeverisje që punon, jo që vetëm flet”, tha Basha.
