Drejtori i kabinetit të Presidentit të Republikës, Edmond Panariti, thotë se me mutacionet që po pëson Covid-19 në disa shtete, muajt që do vijnë do të jenë shumë të vështirë por edhe vendimtarë, duke e kthyer garën për vaksinën në një makth.
Sipas Panaritit mutacionet ose ndryshimet e virusit ndodhin për dy qëllime, që ai të përhapet më shpejt dhe të godasë më fort. “Këto quhen me gjuhë Darviniane, përshtatje të mbijetesës së virusit”, shprehet Panariti duke theksuar se “kush vaksinon i pari, kursen jetë dhe pasoja shëndetësore në njerëz”.
Postimi i plotë i Edmond Panaritit
Askush nuk di asgjë!
“Genomika”, pra mënyra e sjelljes dhe e veprimit të virusit COVID-19, mbetet ende një mister i madh!
Po ndjek reagimet e virologëve, epidemiologëve, imunologëve të qëndrave më të spikatura botërore lidhur me sjelljen e tashme dhe të ardhme të virusit dhe shprehjet më tipike të tyre janë:
Nuk kemi prova të mjaftueshme, ka të ngjarë, ndofta, është e mundur!
Por ajo që me sa duket po ndodh është ndryshimi konstant i virusit.. (varianti anglez është ai më i fundit, po ashtu ai Afrikano Jugor, ai Danez para disa muajsh ai i Italisë së Veriut etj)
Këto ndryshime ndodhin për dy qëllime :
Që virusi të përhapet më shpejt.
Që ai të godasë më fort
Këto quhen me gjuhë Darviniane, përshtatje të mbijetesës së virusit.
Që potencialisht mund të neutralizojnë edhe skemat e luftimit të tij.
Varianti anglez i ndryshimit më të fundit, duket se përshpejton përhapjen në popullatë!
Varianti Danez, i para një muaji i krijuar te kunadhet pas infektimit të tyre, duket se shtyp reagimin imunitar, pra rrit agresivitetin e virusit.
Çfarë po ndodh?
Koha do ta tregojë!
Muajt që vijnë do të jenë shumë të vështirë por vendimtarë.
Prandaj gara për vaksina po kthehet në një makth.
Kush vaksinon i pari, kursen jetë dhe pasoja shëndetsore në njerëz !
