Kreu demokrat Lulzim Basha reagoi sot lidhur me cilësimin e vrasjes së Klodian Rashës nga një efektiv i Shqiponjave, si aksidentale, ashtu sikundër shkruhet në vendimin e Qeverisë, e cila një ditë më parë i ligji një pension 8 herë më të lartë se ai minimali, familjes së viktimës.
“A ka nevojë ta komentoj unë këtë, është shprehje dyfytyrësisë, tjetër thotë dhe tjetër bën. Tre ditë mendoi se do ja hidhte.
Ky që të mbinë në Instagram, Facebook dhe ERTV, ky rri gjithë kohën të gërricet me njerëzit. Nuk gjeti një minutë kohë të dënonte vrasjen për 3 ditë më radhë. Atë ka shprehur edhe aty, ka nxjerrë fytyrën e tij të vërtetë” tha Basha.
Protestën, tha Basha e mbështet. “Kjo është një protestë e të rinjve shqiptarë. Ka mbështetjen tonë të plotë”, tha Basha.
Kryeministri Edi Rama më parë deklaroi se cilësimi si aksidental i vrasjes, është bërë për arsyen e vetme që familja të përfitonte pensionin.
