Ambasadori i Shqipërisë në Austri, Fate Velaj, prezantoi romanin e tij “Kreuztanne” gjatë Panairit të Librit në Vjenë. Libri trajton përvojat e autorit si refugjat dhe jetën e tij në Austri, duke përfshirë kohën në kampin e Traiskirchen dhe strehimin në Gasthaus zur Kreuztanne.
Velaj u shoqërua gjatë promovimit nga shkrimtari austriak Robert Menasse dhe Katja Gasser, shefredaktore e kulturës në ORF TV.
Romanin “Kreuztanne” Velaj e përshkruan si rrugëtimin e tij personal drejt integrimit dhe jetës profesionale në Austri, duke ndarë përvojat dhe sfidat me publikun.
Gjatë pjesëmarrjes në panair, ai theksoi rëndësinë e respektimit të të drejtave të të huajve dhe diskutimin mbi integrimin dhe mundësitë për komunitetet e emigrantëve.
Ngjarja u pasqyrua edhe në kronikën e televizionit 3SAT, i cili i kushtoi vemendje promovimit të librit dhe rrugëtimit të autorit. Në reportazhin e përgatirur 3SAT, thekson se Fate Velaj nuk po promovon vetëm një libër, por po ndan edhe një rrugëtim jete që tregon forcën e qëndrueshmërisë dhe vlerën e mbështetjes në momentet më të vështira.
