Reperja Loredana Zefi postoi në shtator një foto nga një “video call” me zonjë zviceriane Petra Valais, ku shihen duke buzëqeshur. Loredana kishte shkruar datën 01.09.2020, për të treguar se biseda mes tyre është realizuar në 1 shtator, duke e shoqëruar me emojin e dy gishtave, pra paqe.
Nga ana tjetër në rrjet qarkulluan edhe video e foto nga takimet mes tyre në restorante të ndryshme, ku shihen duke folur e buzëqeshur. Kjo lëvizje e papritur e reperes shkaktoi shumë debate mes fansave të cilët filluan të aludonin.
Gazeta zvicerane “20 minuten” shkruante se zyra e prokurorit të Luzernit ka mbyllur çështjen, me kërkesë të të dyjave palëve, që kanë rënë dakord në një marrëveshje. Sipas saj, reperja shqiptare i ka paguar zviceranes rreth 400 mijë franga dhe i ka kërkuar edhe falje, duke marrë përgjegjësi të plotë për veprimet e saj.
Së fundmi, Loredana ka folur publikisht rreth çështjes në fjalë. Në një intervistë për SRF Virus ajo tha se të vërtetën e asaj që ka ndodhur mes saj dhe Petrës,që përveç tyre e di edhe prokurori. Ajo tha se e kuptojnë shumë mirë njëra-tjetrën, pa dashur që ta vijojë më tej bisedën.
“Vetëm unë, prokurori publik dhe kjo zonjë (Petra Z.), e dimë të vërtetën. Mendoj se ne e kuptojmë njëra-tjetrin”.
