Sonte në orën 21:00, do të luhet derbi i Madridit, mes Realit dhe Atletico-s, takim që do të luhet në impiantin “Alfredo di Stéfano”
Edhe pse janë kampionët në fuqi dhe u kualifikuan si të parët në grupin e Champions, “Los Blancos” po përjetojnë një sezon aspak të mirë.
Në anën tjetër, Atletico është shfaqur si skuadra më e mirë e La Liga-s. Ekipi i Diego Simeones kryeson me 26 pikë, pas tetë fitoreve dhe dy barazimeve, ndërsa ka edhe dy ndeshje për të rikuperuar.
Për më tepër në dhjetë javë të luajtura, Atletico ka pësuar vetëm dy gola, duke bërë që parashikimet për derbin të jenë në anën e tyre, edhe pse në ndeshje të tilla, situata ndryshon lehtësisht.
Për sa i përket mungesave, Real Madrid do të duhet të bëjë pa Eden Hazard, Luka Jovic, dhe Mariano Diaz të gjithë të dëmtuar, ndërsa nga ana tjetër, Simeone nuk do të ketë në dispozicion, Diego Costa, Jose Maria Gimenez dhe Manuel Sanchez.
