Reperi me origjinë shqiptare Gashi është një ndër artistët më të njohur ndërkombëtarë.
Gashi, në çdo paraqitje të tij publike ka treguar me shumë krenari prejardhjen e tij dhe ka treguar po ashtu se rruga për t’u bërë emër i njohur në industrinë e muzikës, nuk ishte aspak e lehtë për të.
Në një intervistë të dhënë muaj më parë në “The Boogleg Key Podcast”, reperi foli haptas rreth prejardhjes së tij. Gashi përmendi luftën që u zhvillua në Kosovë si dhe njerëzit që humbën jetën për lirinë.
Kur u përmend Shqipëria, ai tha se deri vonë kemi ndarë të njëjtin flamur, por Kosova u bë shtet i pavarur dhe tashmë ka flamurin e saj.
“Dikur e ndanim të njëjtin flamur, kurse tani e kemi me të kaltër e të verdhë. Nuk e respektoj atë, sepse njerëzit e mi vdiqën për atë kuq e zi”, deklaroi reperi.