Në 24 orët e fundit, Greqia ka raportuar 1,677 raste të reja me koronavirus. Ndërsa, brenda ditës, si pasojë e Covid-19 e kanë humbur jetën 95 persona.
Në total, numri i të infektuarve në vend shkon në 119,720, prej të cilëve 52.7% janë burra. Kurse, bilanci i viktimave që nga fillimi i pandemisë e deri më tani shkon në 3,289.
Sa i përket situatës në spitale Covid, njoftohet se 578 persona ndodhen në intubim. Mosha e tyre mesatare është 66 vjeç.
172 prej tyre janë gra dhe pjesa tjetër janë burra. 75.8% e pacientëve të intubuar kanë një sëmundje shoqëruese ose janë të moshës mbi 70 vjeç.
