Numri ditor i infeksioneve me Covid-19 në Francë nuk ka gjasa të ulet nën 5.000 raste deri në 15 Dhjetor, pasi qytetarët nuk po i respektojnë mjaftueshëm masat e distancimit social, tha sot një nga ekspertët kryesorë për koronavirusin në Francë.
Eric Caumes, kreu i sëmundjeve infektive në spitalin e Parisit La Pitié-Salpêtrière, i tha televizionit LCI se nëse francezët nuk janë mjaft të kujdesshëm gjatë Krishtlindjeve dhe festave të fundvitit, kjo do të çojë në një valë të tretë të virusit në mes të janarit, shkruan The Guardian.
Presidenti Emmanuel Macron ka thënë se izolimi që filloi më 30 tetor mund të hiqet në 15 dhjetor, nëse deri atëherë numri i infeksioneve të reja në ditë bie nën 5,000.
“Jo, nuk mendoj se ky objektiv mund të arrihet pasi prirja për rënie u ndal. Kështu që do të jetë e vështirë të arrihet ai objektiv”, tha Caumes.
Autoritetet shëndetësore franceze raportuan 11,022 raste të reja të konfirmuara Covid-19 të Dielën, nga 12,923 infeksione të reja të zbuluara një ditë më parë.
