Ylli Manjani, ish-ministër i Drejtësisë, ka reaguar në rrjetet sociale, ndaj thirrjeve të vazhdueshme të ambasadores amerikane Yuri Kim, dhe atij të BE-së, Luigi Soreca, për bërjen funksionale të Gjykatës Kushtetuese brenda 31 dhjetorit.
Manjani shkruan se edhe sikur të emërohen 2 anëtarë të rinj në Gjykatën Kushtetuese, për hatër të zonjës Kim, prap Gjykata Kushtetuese nuk është ende funksionale.
“Përbërjes së Gjykatës Kushtetuese i mungojnë ende 3 anëtarë që zgjidhen nga Gjykata e Lartë. Kjo e fundit nuk funksion për vete. Dreqi e di se kur do ngrihet.
Janë pikërisht këto 3 anëtarë që sigurojnë në çdo rrethanë funksionalitetin normal të Gjykatës Kushtetuese.
Pa këto 3 anëtarë, kjo gjykatë është e paplotë dhe me rrisk të lartë dështimi për të marrë vendime. Kujtoj që për të marrë një vendim duhet të votojnë pro 5 anëtarë. Po 5 anëtarë nga 6 nuk është aq e sigurtë si ngjarje sesa 5 anëtarë nga 9. Shto këtu faktin që këto të 6 janë zgjedhur me preferencë politike”, shkruan Manjani.
Postimi nga Ylli Manjani
Edhe sikur të emërohen 2 anëtarë të rinj në Gjykatën Kushtetuese, për hatër të zonjës Kim, prap Gjykata Kushtetuese nuk është ende funksionale.
Përbërjes së Gjykatës Kushtetuese i mungojnë ende 3 anëtarë që zgjidhen nga Gjykata e Lartë. Kjo e fundit nuk funksion për vete. Dreqi e di se kur do ngrihet.
Janë pikërisht këto 3 anëtarë që sigurojnë në çdo rrethanë funksionalitetin normal të Gjykatës Kushtetuese.
Pa këto 3 anëtarë, kjo gjykatë është e paplotë dhe me rrisk të lartë dështimi për të marrë vendime. Kujtoj që për të marrë një vendim duhet të votojnë pro 5 anëtarë. Po 5 anëtarë nga 6 nuk është aq e sigurtë si ngjarje sesa 5 anëtarë nga 9. Shto këtu faktin që këto të 6 janë zgjedhur me preferencë politike.
Nuk po flas për cilësinë e vendimmarrjes… ky është luks.
Ndaj kjo data 31 dhjetor dhe gjykata Kushtetuese me 6 anëtarë, është thjesht hiri i radhës në sytë e opinionit publik shqipëtar.
Sa për opinionin Ndërkombëtar, besoj jemi të qartë me “hapjen e radhës të bisedimeve për anëtarësim”….
