Serie A/ Inter mposht Bolognan, ngjitet në vendin e dytë

Interi po kalon një moment të mirë dhe diçka të tillë e shfaqi edhe në ndeshjen e sotme ndaj Bologna. Zikaltrit fituan 3-1 në “San Siro” ndaj ekipit të Mihajlovic, duke u rikthyer në vend të dytë.

21 pikë numëron skuadra e Antonio Contes, një më shumë se Juventusi dhe dy më pak se Milani kryesues (luan të dielën në mbrëmje në transfertë ndaj Sampdorias).

LEXO EDHE  Premier League/ Fitore në transfertë për Tottenham, ekipi i Mourinhos ngjitet në renditje

Goli i Romelu Lukakut nuk mund të mos mungonte, teksa realizoi dy herë edhe Achraf Hakimi. Dygolëshi i parë me zikaltrit për anësorin maroken, teksa i dyti ishte shumë i bukur.

Pa vlerë rrjeta e Emanuel Vignato për Bolognan në mesin e pjesës së dytë. Një fitore morali për Interin përpara “finales” së mesjavës së ardhshme në Champions League.