Studimi i Parlamentit Europian: Top Channel, ndër përhapësit kryesorë të “fake news” në Shqipëri

Nga Boldnews.al

Mediat me qëndrim pro-qeveritar, Top Channel dhe “Gazeta Tema” konsiderohen si mediumet që përhapin më shumë dizinformacion, ndërkohë që “fake news” është e përhapur gjerësisht në Shqipëri, thuhet në një Studim me logon e Parlamentit Europian, të publikuar në 3 Dhjetor 2020.

Raporti titullohet “Hartimi i Fake News dhe Dezinformimi në Ballkani Perëndimor. Identifikimi i mënyrave efektive kundër tyre” dhe ka marrë në analizë median në disa vende të rajonit.

Në pjesën për Shqipërinë, studimi ka ngritur pikëpyetjet më të mëdha në televizionit privat “Top Channel”, si edhe në gazetën on-line, “Tema”, të drejtuar nga gazetari Mero Baze.

“…Shpërndarësit më të spikatur të dezinformimit në mediat sociale përfshijnë dy stacione kryesore televizive – Top Channel, në pronësi të Vjollca Hoxha, si edhe Ora News, në pronësi të Ylli Ndroqit”, i cili në raport përmendet si i akuzuar për trafik droge.

Studimi përfshin gjithashtu në listën e mediave që përhapin disinformacion edhe Gazetën “TemA”, si edhe disa portale on-line.

Televizioni Top Channel është evidentuar në raport edhe si një ndër eminentët që ka shpërndarë informacion të rremë (disinformacion) lidhur me pandeminë e Covid-19.

Studimi e identifikon televizionin në pronësi të Vjollca Hoxhës si ndër “shpërndarësit kryesorë të dezinformimit lidhur me Covid-19…”.

Ndërkohë, në Studim është përmendur edhe kryeministri Edi Rama, si një personazh publik që ka shpërndarë dizinformacion, lidhur me pandeminë e Sars-Cov-2.

LEXO EDHE  Moti i keq, ARRSH: Ja akset problematike

“Politikanë të shumtë në të gjithë spektrin, përfshirë Kryeministrin Edi Rama, akuzohen se kanë përdorur dezinformata për të rritur shikueshmërinë dhe qëndrimin e tyre, ose ndonjëherë madje pa ndonjë qëllim të veçantë fare”, citohet në raport.

Për kryeministrin shqiptar, Rama, raporti citon se “u detyrua të bënte një falje publike në Mars 2020, pasi sajoi akuza se zyrtarët spanjollë po vendosnin taktika të dhunshme policore për të ndaluar përhapjen e tyre COVID-19. ‘Provat’ e tij dolën të ishin një video e policisë algjeriane të trazirave duke sulmuar protestuesit”, thuhet në Studimin që mban logon e Parlamentit Europian.

Disinformacioni në Shqipëri, lokal
Studimi mbi “Fake News” konstaton se disinformacioni nga mediat shqiptare ka natyrë kryesisht lokale dhe lidhet me çështjet dhe për qëllime të brendshme.

Sidoqoftë, rrallë ndonjë nga këto raste të dezinformimit ngrihet në nivelin e një fushate të qëndrueshme.

Përpjekjet janë përgjithësisht oportuniste dhe qëllimet janë sipërfaqësore. Dezinformimi me burim të huaj, mbi ana tjetër, është një pjesë relativisht e vogël e peizazhit dezinformues shqiptar.

Për hartuesit e studimit, dy janë qëllimet kryesore që mediat në Shqipëri përdorin disinformacionin-për të rritur shikueshmërinë e rrjedhimisht të ardhurat; si edhe për qëllime politike.

Megjithatë, Studimi konstaton se akuzat për “dizinformim” vijnë nga kryeministri Edi Rama dhe njerëz pranë tij, me qëllim frikësimin dhe zbehjen e gazetarisë investigative në vend.