Partia Demokratike denoncoi sot përmes ish-deputetes Dhurata Çupi, një tjetër mashtrim të Kryeministrit Edi Rama, lidhur me spitalin e Laçit.
Çupi tha se Rama mashtroi laçjanët dhe sot një vit pas tërmetit nuk ka asnjë shenjë për rindërtimin e spitalit që duhet të përfundonte në qershor
“”Hajdutët e Fatkeqësisë” nuk kursejnë as vjedhjen e spitaleve dhe qendrave shëndetësore. Një vit pas tërmetit, nuk ka asnjë shenjë të spitalit, rindërtimi i tëcilit duhet të kishte përfunduar në qershor.
Ajo që i vë vulën dështimit të qeverisë me procesin e rindërtimit është spitali i Laçit. Sipas premtimit të Edi Ramës një vit më parë, spitali sot duhet të ishte në punë. Por në të vërtetë, realiteti nga premtimet mashtruese të kryeministrit në ikje është shumëndryshe”, shprehet Çupi.
Sipas saj, në vend të spitalit, këtu ka një grumbull inertesh.
“50 mijë banorë të zonës së Kurbinit dhe përrreth, degdisen në Lezhë, sepse hallet e njerëzve nuk janë në axhendën e “Hajdutëve të Fatkeqësisë”.
Fatkeqësi për laçjanët dhe për shqiptarët që kemi një kryeministër që as nuk skuqet, as nuk zverdhet, kur mashtron sy për sy. Deri tani ka vetëm një projekt në 3D, si çdo premtim tjetër i kryeministrit më të keq të Shqipërisë në këto 30 vite.
Edi Rama duhet t’u thotë shqiptarëve cili pazar e pengoi spitalin e Laçit të ndërtohej sipas premtimit.
Pse”Hajdutët e Fatkeqësisë” kanë marrë peng spitalin, i cili duhet të ishte gjëja e parë e ndërtuar pas tërmetit shkatërrues?
Gratë, fëmijët, të sëmurët e tjerë të zonës së Kurbinit nuk e meritojnë të vuajnë pasojat e një qeverie tëkorruptuar dhe të paaftë për të zgjidhur problemet e qytetarëve”, tha ajo.
