Shokohet klubi i Romës, zbulohen 20 bomba në fushë, thërritet ushtria

Klubi i futbollit të Romës njofton se ushtria mbërriti në fushat e saj stërvitore, pas gjetjes së disa bombave të pashpërthyera nga koha e Luftës së Dytë Botërore.

“Një falënderim për ushtrinë italiane dhe skuadrën e saj xheniere për heqjen në mënyrë të suksesshme të disa objekteve shpërthyese nga Lufta e Dytë Botërore, në qendrën stërvitore të Trigorias”, shkruhet në llogarinë e klubit kryeqytetas në Twitter.

Gjithashtu ata postuan dhe një foto të ushtarakëve me bombat e hequra.

Sipas gazetës “Il Messaggero”, rreth 20 bomba u gjetën në Trigoria gjatë punimeve për hapjen e fushave të reja stërvitore për futbollistët.

LEXO EDHE  Dovedan: Goli i Vllasnisë faull, kemi afruar lojtarë të mirë