Tre shqiptarë dhe dy vajza të reja greke akuzohen për rrëmbimin, shantazhimin dhe zhvajtjen e një shume parash për lirimin e një 23 vjeçari shqiptar. Ngjarja ka ndodhur në muajin shkurt kur 23 vjeçari u rrëmbye dhe u mbajt për 24 orë, derisa familja e tij pagoi një shumë parash.
Policia greke ka mundur të zbulojë skemën e ngjarjes, e cila ndodhi në Selanik.
I riu u rrëmbye shkurtin e kaluar nga qendra e Selanikut dhe për më shumë se 24 orë u mbajt në një makinë.
Autorët e krimit zhvatën 2500 euro dhe pasi ranë dakord për të marrë 1000 euro, ata e lanë të lirë.
Sipas policisë, tre bashkatdhetarë të viktimës u identifikuan si autorë, ndërsa dy gra të reja greke që morën përsipër të merrnin paratë janë gjithashtu të përfshira në çështje.
Sipas hetimit të departamentit të Krimeve kundër Jetës, motivi i veprimit të tyre duket se kanë qenë mosmarrëveshjet financiare që autorët kishin me viktimën.
Çështja kundër tyre do të paraqitet në Prokurorinë e Selanikut dhe më pas urdhër-arrestet pritet të lëshohen nga hetuesi kompetent.
