Një ditë më parë kreu i FRPD-së, Belind Këlliçi, denoncoi kullën shumëkatëshe që po ngrihet në krah të Sahatit, në qendër të Tiranës.
Sot Kryebashkiaku, Veliaj me një video 3D, njëlloj si ato që publikon Kryeministri Edi Rama, apo ministrat e tij, u shfaq me tezën se ka ende shumë punë për të bërë.
Por Këlliçi në reagimin e tij, duke iu drejtuar Veliajt shkruan “të paska djegur fort Erion!”.
“Pasi publikuam video-skandalin e shumëkatëshit të betonit që po gllabëron Sahatin e Tiranës, simbol historik i kryeqytetit, Erioni u ngrit që me sabah, për të na u përgjigjur me një video HD për të gjitha punët e tij 3D.
U nise Erion për t’i hedhur bojë Sahatit, por i nxorre bojën vetes”, shkruan Këlliçi.
