Ish-Kryeministri, Sali Berisha, ka reaguar në rrjetet sociale lidhur me numrin e vdekjeve nga Covid-19, ndërsa akuzon Kreun e Qeverise Edi Rama se po mundohet të fshehë manipulim e shifavre të viktimave në spitale, duke përdorur mjekët.
“Mjekët e spitaleve Covid dhe ata të Institutit të Mjeksisë Ligjore nuk kanë shpallur asnjë ditë të vetme listën e të vdekurve gjatë 24 orëve nga Covid – 19”, shkruan Berisha.
Sipas tij, lista e vdekjeve është shpallur çdo ditë nga Ministria pasi është “redaktuar” nga Xhahili i Surrelit”.
Referuar deklaratës së Ramës mbrëmjen e së shtunës, Berisha shkruan se ai, për të mbrojtur veten, foli me dy ditë vonesë për skandalin e fshehjes së 424 vdekjeve dhe e quajti publikimin e listës së vërtetë të vdekjeve spitalore nga Covid – 19 nga Kryetari i PD Basha: “Si një akt që nxit urrjetje ndaj mjekëve tanë. Mund të nxitë edhe dhunë ndaj mjekëve, si akt turpërues. ”
“Në fakt duke akuzuar indirekt mjekët për të mbrojtur menderen e tij, Xhahili i Surrelit pranoi se të gjitha vdekjet i ka fshehur vetëm ai”, shkruan Berisha.
Postimi i Sali Berishës
Xhahili i Surrelit akuzon mjekët!
Ata nuk kanë fshehur asnjë rast vdekje nga covid – 19. Të gjitha i ka fshehur vetë ai.
Miq, i kapur me presh në skandalin e tmerrshëm të fshehjes se 424 vdekjeve spitalore nga covid – 19, Xhahili i Surrelit pas një heshtje dy ditore akuzoi direkt gjoja duke i mbrojtur, mjekët për këtë krim të shëmtuar.
Kështu, ai dje, për të mbrojtur veten, foli me dy ditë vonesë për skandalin e fshehjes së 424 vdekjeve dhe e quajti publikimin e listës së vërtetë të vdekjeve spitalore nga Covid – 19 nga Kryetari i PD Basha: “Si një akt që nxit urrjetje ndaj mjekëve tanë. Mund të nxitë edhe dhunë ndaj mjekëve, si akt turpërues. ”
Në fakt duke akuzuar indirekt mjekët për të mbrojtur menderen e tij, Xhahili i Surrelit pranoi se të gjitha vdekjet i ka fshehur vetëm ai.
Kjo sepse:
1 – Mjekët e spitaleve Covid nuk kanë fshehur asnjë rast vdekje por çdo rast të vdekur nga Covid – 19 e kanë percjellë në morg me këtë diagnoze në kartelën klinike dhe fishen e vdekjes dhe:
2 – Mjekët e sherbimit të Institutit të Mjeksisë ligjore kanë hedhur në rregjistrin e të vdekurve të dërguar nga spitalet Covid në këtë Institut, diagnozen e kartelës klinike dhe fishes së vdekjes që shoqërojnë gjithnjë në morg rastin e dhënë.
3 – Instituti i Mjeksisë Ligjore ka dërguar çdo ditë listën e të vdekurve në drejtorinë e spitalit dhe kjo drejtori e ka percjellur menjëherë tek ndrikull Hajnia dhe kjo e fundit direkt Xhahilit të Surrelit.
4 – Mjekët e spitaleve Covid dhe ata të Institutit të Mjeksisë Ligjore nuk kanë shpallur asnjë ditë të vetme listën e të vdekurve gjatë 24 orëve nga Covid – 19
5 – Lista e vdekjeve është shpallur çdo ditë nga ministria pasi është “redaktuar” nga Xhahili i Surrelit.
Si përfundim, duke shprehur vlerësimin më të lartë për punën vetmohuese të mjekve, dënoj me ashpërsinë më të madhe aktin kriminal të Xhahilit të Surrelit të manipulimit të listave të vdekjeve spitalore nga Covid – 19 dhe fshehjes së 424 raste të vdekur në spitalet Covid nga kjo semundje për të ndërtuar mbi kufomat e tyre suksesin imagjinar të menaxhimit të pandemisë në Shqipëri dhe i bej thirrje OKB të nisë me urgjencë një hetim ndërkombëtar për këtë skandal dhe krim të shëmtuar të Xhahilit të Surrelit. sb
ps: SPAK-u është i yni, ai është garanti i imunitetit të narkoqeverisë për të gjitha llojet e krimeve!
