“Pritet një rritje e lehtë e numrit të rasteve me Covid-19”, u shpreh Artan Simaku, ekspert pranë ISHP-së, lidhur me situatën e koronavirusit në vend.
Simaku tha për ABC se në stinën e dimrit do të ketë një rritje të lehtë, ndërsa tha se masat që po aplikohen tani, japin rezultat pas 3 javësh.
“Të rëndësishme janë mbajtja e distancës dhe higjena. Masat janë themelore, sikundër edhe mbajtja e maskës, që i shërbejnë ndërprerjes së rrugës së transmetimit të virusit”, tha Simaku.
Sipas tij, strategjia e testimeve ka qenë që në fillim te grupet prioritare, dhe OBSH po afrohet te kjo strategji që është aplikuar në Shqipëri.
Simaku tha se nuk përjashtohet mundësia e masave të tjera, në varësi të situatës epidemiologjike.
“Masat kanë ndikim si në aspektin ekonomik ashtu edhe social, por në situata epidemiologjike, duhet marrë në varësi të asaj që ndodh”, tha Simaku.
Ai tha se nga hetimi epidemiologjik nuk parashikohet rritja e rasteve mbi 1 mijë.
“Duhet parë se cili nga viruset do të mbizotërojë në muajt në vijim, pra Covid-19 apo gripi stinor. Njvri prej tyre do të mbizotërojë, por duhet parë”, tha ai.
