U dorëhoq gjatë Vetting, KPK: Prokurorja e Durrësit , 15 vjet larg drejtësisë

Komisioni i Pavarur i Kualifikimit vendosi më 10 nëntor të ndërpresë procesin e rivlerësimit për prokuroren e Durrësit, Rabiana Halili, pas dorëheqjes së saj.

Trupi gjykues i KPK i përbërë nga Xhensila Pine kryesuese, Valbona Sanxhaktari relatore dhe Lulzim Hamitaj anëtar, vendosi ndërprerjen e procesit të rivlerësimit për Rabiana Halilin dhe ndalimin e emërimit të saj si gjyqtare, prokurore apo në pozicion tjetër në institucionet e drejtësisë, për një periudhë 15-vjeçare.

Prokurorja Rabiana Halili depozitoi kërkesë për dorëheqje në Këshillin e Lartë të Prokurorisë, rreth 10 muaj pasi ndaj saj kishte nisur procesi i vetingut.

LEXO EDHE  Basha me fermerët e Kukësit: Qeveria i ka braktisur, po groposin prodhimet

Në vendimin e KPK thuhet se Këshilli i Lartë i Prokurorisë ka vendosur më 30 shtator të deklarojë mbarimin e statusit të magjistratit për prokuroren Rabiana Halili, për shkak të dorëheqjes së motivuar të saj.

KLP ka njoftuar Komisionin se Halili nuk ishte ushtruar ankim ndaj vendimit për mbarimin e statusit të magjistratit.