Barcelona është në vështirësi të mëdha financiare. Sipas mediave spanjolle keqmenaxhimi dhe pandemia rrezikojnë falimentin e klubit dhe zgjidhja e vetme për momentin është ulja e mëtejshme e pagave të lojtarëve.
Sot përfaqësuesit e ekipit dhe drejtuesit e klubit kanë zhvilluar takimin e parë. Klubi kërkon të ulë pagat e lojtarëve me 30% dhe për këtë kërkojnë mirëkuptimin e tyre.
E kërkojnë, por për momentin nuk e kanë gjetur. Nga ajo që Mundo Deportivo raporton, klubi dhe lojtarët janë ndarë pa arritur një marrëveshje sot në lidhje me këtë çështje.
Por është lënë hapësira për takim të radhës dhe deri atëherë lojtarët do të shqyrtojnë në mënyrë individuale propozimin e klubit. Në rast se lojtarët rezistojnë, klubi do të vendosë të ulë pagat e tyre në mënyrë njëanshme.
