Shqipëria aktualisht është e ndarë në tre zona, në bazë të rrezikut të përhapjes së koronavirusit. Nisur nga rritja e rasteve dhe incidencës së përllogaritur në dy javët e fundit, shefja e Epidemiologjisë në ISHP, Silva Bino, tregoi zonat e kuqe, portokalli dhe të verdha.
Sipas saj, në lidhje me përhapjen në vend ne kemi ndarë hartën e Shqipërisë në disa zona që janë zonat e kuqe, portokalli dhe ato të verdha.
Në zonat e kuqe përfshihen Fieri, Gjirokastra, Gramshi, Kavaja, Korça, Mallakastra, Mirdita, Përmeti, Puka, Saranda, Tepelena, Tirana dhe Tropoja. Te këto zona vërejmë një rritje dhe incidencë më të lartë.
Zonat e tjera me portokalli kanë një incidencë më të ulët, ku përfshihen: Berati, Devolli, Durrësi, Elbasani, Kononja, Kruja, Kuçova, Kukësi, Kurbini, Lezha, Librazhdi, Lushnja, Peqini, Pogradeci, Skrapari, Shkodra dhe Vlora.
Zonat të cilat kanë shumë pak raste, që shkojnë deri në 58 në 100 mijë banorë, janë të gjitha bashkitë e tjera.
