Kryeministri Edi Rama vijon t’i përgjigjet me batuta dhe ironi kreut të PD-së, Lulzim Basha. Kreu i opozitës akuzoi Kryeministrin Edi Rama se ka humbur kontrollin mbi pandeminë, megjithëse vala e dytë ishte paralajmëruar.
“Po të na kishte dëgjuar, Qeveria do kishte marrë masat e duhura.Në vend të llafeve, sot më shumë se kurrë duhen vendime dhe veprime të shpejta për të rritur testimet dhe fonde për të ndihmuar të sëmurët, shëndetësinë dhe ekonominë. Asgjë nuk është më e çmuar se jeta e njerëzve”, shkruan Basha.
Por në reagimin e tij, Rama shprehet se Lulëzim Basha është kapur pas Covidit si i mbyturi pas fijes së barit dhe pretendon se ai do ta kishte ndaluar valën e dytë, ndërkohë që nuk ndalon dot as aleaten e tij në fushatën e saj për përhapjen e Covidit!
“Mirë u çmendën po pse të gjithë njëherësh, thoshte Shvjeku i shkretë!”, shkruan Rama në përgjigjen e tij ndaj Bashës.
