Ambasadori i Bashkimit Europian, Luigi Soreca, është shprehur se Shqipëria ka bërë hapa para sa i takon procesit të Integrimit dhe plotësimit të kushteve për anëtarësimin në Union.
Kjo deklaratë e Sorecas, vjen një ditë pasi Holanda i vendosi veton Shqipërisë, për tryezën e parë ndërqeveritare, duke e shkëputur atë nga Maqedonia e Veriut.
Sipas Sorecas, të gjitha palët duhet të gjejnë konsesusin për mosmarrëveshjet politike.
“Shqipëria vazhdon që të bëjë përparim dhe marsin e kaluar bëri një hap të madh më pranë Bashkimit Evropian kur Këshilli vendosi të hapë negociatat e pranimit. Tani Shqipëria është afër përmbushjes së kushteve të kërkuara.
Në këtë moment kritik, të gjitha palët politike duhet të investojnë në ndërtimin e një konsensusi të domosdoshëm politik dhe të gjitha institucionet e pavarura duhet të japin rezultatet e nevojshme, për të ndjekur objektivin e përgjithshëm që ata ndajnë, të integrimit të Shqipërisë në BE.
Kjo është ajo që dëshirojnë më shumë se 90% e popullit shqiptar”, shkruan Soreca në postimin e tij.
