Modelja Chrissy Teigen ka përshkruar dhimbjen që përjetoi pas humbjes së foshnjës së saj në fillim të këtij muaji. Modelja publikoi disa foto nga shtrati i spitalit pas abortit të djalit por kjo gjë nuk u prit aspak mirë nga ndjekësit e saj në rrjete sociale të cëilët shpërthyen në kritika ndaj saj.
“Nuk mund ta shpreh sesa pak më intereson fakti që ju i urreni fotot.” – u shpreh ajo në një postim.
Modelja zbuloi se ata e kishin quajtur fëmijën Jack. Dhe në postimin në blog, ajo shkroi se u kërkoi mamasë dhe bashkëshortit të saj që ti bënin foto “sado e pakëndshme që ishte ngjarja”.
“Unë i shpjegova John, sepse ai ishte shumë hezitues, se unë kisha nevojë për ato foto. Ai u urrente këtë gjë. Nuk kishte kuptim për të në atë kohë. Por unë e dija që duhet ta ruaja këtë moment përgjithmonë, në të njëjtën mënyrë më duhej të kujtoja teksa e puthja dhe absolutisht e dija që kisha nevojë ta ndaja këtë histori.”
Ajo gjithashtu iu adresua drejtpërdrejt kritikave që mori në atë kohë për publikimin e fotove të momentit në Instagram.
“Unë e kam jetuar atë, kam zgjedhur ta bëj dhe më shumë se gjithçka, këto foto nuk janë për askënd tjetër përveç atyre njerëzve që e kanë përjetuar në ngjarje të tillë ose janë mjaft kuriozë të pyesin veten si është kjo ndjenjë. Këto fotografi janë vetëm për njerëzit që kanë nevojë për to. Mendimet e të tjerëve nuk kanë rëndësi për mua,”- përfundoi Chrissy Teigen.
Ata e monitoruan gjakderdhjen për ditë me radhë, duke shpresuar që gjërat të përmirësoheshin, por në fakt ndodhi e kundërta.
“Gjakderdhja ime po bëhej gjithnjë e më e rëndë. Lëngu rreth Jack-ut po pakësohej – ai mezi ishte në gjendje të notonte përreth. Në një pikë, betohesha se kishte aq pak, sa mund të shtrihesha në shpinë dhe t’i ndieja krahët dhe këmbët e tij në barkun tim. Pas disa netëve në spital, mjeku më tha saktësisht atë që e dija që do të vinte – ishte koha për t’i thënë lamtumirë. Ai thjesht nuk do t’i mbijetonte kësaj sfide dhe nëse vazhdoja më gjatë, edhe unë nuk do të mbijetoja.”
