Nga Boldnews.al
Kollaren e porositi vetë për një eveniment të veçantë. Në sfondin e kollares së kuqe të flamurit kombëtar qëndronte shqiponja, e në fundin e saj edhe ylli me pesë cepa (simbol i komunizmit). Të gjithë u morën me kollaren e Ramës, por askush nuk po e kupton se përse kryeministri ynë që ka 22 vjet që luan me veshjet kontroverse këtë mënyrë dukjeje e përdor për të mbuluar “tradhtiçkat kombëtare”, apo batërdinë me grabitjen dhe korrupsionin.
Para ministrit të Jashtëm grek, Rama tentonte të dukej patriot, por vetëm në pamje të jashtme sepse në raport me Greqinë dhe Serbinë, gjatë shtatë viteve qeverisje të tij kemi njohur vetëm humbje identiteti, nxjerrje në treg të interasave kombëtare dhe dënigrim të qytetarëve tanë që jetojnë jashtë vendit. Loja ishte kaq e ulët dhe cinike sa mjafton të shohësh faktet për të kuptuar se kollaren e Ramës sot po e “ha” çdo qytetar i vendit.
Greqia arriti të nënshkruajë marrëveshje me Ramën duke ndërtuar tre varreza në tokën tonë, si shenjë të kujtimit të të rënvë të saj në luftën e dytë botërore. Ato varreza janë kthyer në vende peligrinazhi për nacionalistët ekstrem grek që ende ia tundin qeverisë sonë nën hundë flamurin e Vorio Epirit. Greqia arriti që me aprovimin e Ramës e madje me dëshirën e tij, të shtrihej nga gjashtë në dymbëshjetë milje detare.
E si për të “shmangur përgjëgjësinë”, Rama komenton se marrëveshjen e detit me Greqinë ta zgjidhë një gjykatë ndërkombëtare. Sipas Rilindasve me mendje të larë dhe shpëlarë në lavatriçen e pushtetit, kjo është arritje, por fakt mbetet se vetëm pak kohë para se të shkohet në një gjykatë ndërkombëtare ne nuk nisemi si të barabartë, por “shitjen e detit” qeveria e bëri de facto me njohjen e shtrirjes së Greqisë nga gjashtë në dymbëshjetë milje detare.
Rama mori premtimin nga kryediplomati grek se do të diskutohet për heqjen e ligjit të luftës, por sa herë është premtuar? Ka më shumë se 20 vite që qeveritë greke hedhin këtë grep dhe prej shtatë vitesh kemi një qeveri shqiptare që shkon vetë si karrem, duke lëpirë karremin e shtetit fqinj.
Këto janë fakte, por “patriotizmin” Rama e shet me kollare, këtë aksesor që e shëtit dendur kudo, që në fakt ka një simbolikë të veçantë: ai po na ofron kollaren. Këtë kollare e shohin çdo ditë ata qindra mijëra emigrant shqiptarë që jetojnë në Greqi ku kanë një ambasadë e cila i mban në radhë për një document. I trajton si “eksperiment social”, për të provuar deri ku shkon durimi i tyre. I detyron që në kulmin e koronavirusit të udhëtojnë të detyruar drejt Shqipërisë për të rinovuar dokumentat dhe në kthim i mban për katër ditë në mes të vapës në kufi.
Pikërisht në atë radhë turpi vdiq edhe një fëmijë 10-vjeçar i aksidentuar ndërsa priste me prindërit të kalonte matanë kufirit dhe që jeta e tij për kryeministrin tonë vlejti 5 milionë lekë të vjetra…
Edhe këto janë pak?! Le të komentoni kollaren e Ramës dhe të shpërthejnë kacafytjet virtale të qytetarëve, sepse kryeministri ynë ia arriti qëllimit; pikërisht atëherë kur nëshkruhet një marrëveshje në dëm të interesave kombëtare ai shet patriotizëm, qoftë edhe duke përdhosur simbolet kombëtare rreth qafës së trashur pas shtatë vitesh pushtet apsolut.
