Mamaja i zbuloi aksidentalisht sekretin, Emma Roberts i bën bllok

Nëna e aktores së famshme Emma Roberts zbuloi aksidentalisht në rrjetet sociale se vajza e saj ishte shtatzënë. Për këtë arsye aktorja i bëri bllok në Instagram nënës së saj, Kelly Cunningham.

“Unë e mbajta lajmin e shtatzënisë të fshehtë, por fatkeqësisht nëna ime ka Instagram. Dhe nëna me Instagram-in, janë një kombinim i keq,”– tha 29-vjeçarja.

Nëna e saj nuk kishte një kompjuter, ndaj Roberts i bleu asaj një iPhone.

“Është gjëja më e keqe që kam bërë ndonjëherë,”- pranoi ajo duke qeshur.

Ndërsa rrëfeu momentin kur e ëma u konfirmoi fansave shtatzëninë e saj.

“Ishte një katastrofë. Isha në aeroplan dhe nuk mund të shkoja tek ajo. As nuk mund ta sulmoja,”– tregoi aktorja.

Pasi një tabloid raportoi se aktorja dhe i dashuri i saj, Garrett Hedlund, ishin në pritje të fëmijës së parë, fansat komentuan në llogarinë e Cunningham, duke e pyetur rreth shtatzënisë dhe ajo konfirmoi lajmin.

“Ajo shkroi: ‘Faleminderit për urimet! Jemi shumë të emocionuar. Miqtë e mi ma dërgonin me foto. Ishte e pabesueshme. Kur i thashë: ‘Mami, ti zbulove shtatzëninë time’, ajo mu përgjigj: ‘Jo Emma, ti e njoftove’. Ndërsa unë i tregova se e kishte shkruar lajmin një tabloib.”

Sa i përket pasojave, Roberts u përpoq t’i jepte mamasë së saj një mësim.

“I bëra bllok për një moment,”- tha ajo duke shtuar se është një “histori e mirë për t’ia treguar foshnjës”.