Presidenti Ilir Meta tha se është kundër thirrjeve që maska të mos mbahet nga qytetarët. Por Presidenti tha se Qeveria duhet të mbështesë ata që nuk kanë mundësi dhe gjithë personelin që është në vijën e parë me këtë pandemi.
“U bëj thirrje gjithë qytetarëve të jenë sa më të kujdesshëm, të respektojnë rregullat e autoriteteve të shëndetit publik, në rastin konkret ata që kanë mundësi maskat ti mbajnë, ti blejnë, mos harrojmë që një pjesë e madhe është dhe në këtë lloj pamundësie, se ju i dini treguesit e varfërisë.
Jam kundër atyre që bëjnë thirrje për të mos mbajtur maska.
Ndërkohë qeveria duhet të kishte marrë masa për të mbështetur ata që nuk kanë mundësi dhe të mbështesë dhe më mirë gjithë personelin që është në vijën e parë me këtë pandemi”, tha Meta.
Një prej politikanëve që ka bërë thirrje për mosmbajtjen e maskës në ambientet e hapura është edhe kryetarja e LSI-së, Monika Kryemadhi.
“Unë për vete nuk do e mbaj maskën. Nuk besoj se Edi Rama ka merak shëndetin e shqiptarëve. Se po ta kishte do të anulonte koncesionet në shëndetësi. Kur specialisti del dhe thotë mos e mbani maskën në rrugë, del ky që nxori anijet luftarake dhe tanket në rrugë për të vrarë virusin…
Këto janë qesharake që acarojnë publikun por nganjëherë revolta vjen nga kjo që, këta injorantë, që u kemi dhënë pushtetin, nuk duhet mbajtur maska por duhet të dalë në rrugë. Po le të guxojë Rama të më vërë gjobë dhe unë do t’i bëj thirrje çdo qytetari që ndalon çdo polic, t’i kundërpërgjigjen.
Se edhe policët nuk kanë para për maska”, tha Kryemadhi pak ditë më parë.
