Erjon Veliaj, Kryebashkiak i Tiranës, ka shpërfillur Aktin Normativ të Qeverisë, përmes të cilit detyrohen qytetarët të mbajnë maskën në publik.
Veliaj u shfaq në krah të deputetit Ervin Bushati, ndërsa nuk mbante maskën, ndërsa ligjvënësi socialist kishte një të tillë.
Kjo nuk është hera e parë që Veliaj sfidon Ramën me urdhërat që ai nxjerr. Gjatë kohës së izolimit, kur qytetarët dilnin nga shtëpia vetëm me leje të posaçme, Kryebashkiaku i Tiranës shfaqej duke luajtur futboll me stafin e tij të bashkisë.
Ndërsa sot, të paktën sipas pamjeve që ai ka shpërndarë në rrjetet sociale, Veliaj shfaqet pa maskë, ndërsa qytetarët detyrohen t’a vendosin një të tillë, sapo dalin nga banesa. Në të kundërt ato mund të gjobiten.
Ndoshta shpërfillja për të zbatuar aktin normativ ka të bëjë me faktin se Veliaj u raportua se kishte kaluar pak javë më parë koronavirusin, edhe pse vendimi dhe udhëzimi i bërë publik, nuk e përjashton këtë kategori.
