Maska ra, gjoba mbetet…!

Nga Boldnews.al

Ndërsa lutej që shiu të binte edhe më çurk ngase ishte, kryeministri Edi Rama ndiqte me sy dhe trup kamerat, që të ngjante si një “punëtor i devotshëm”, dhe kreu i një qeverie që punon në shi, stuhi, natën e ditën, për popullin për mirëqënien e qytetarëve. E gjithë skena u zhvillua në Krujë, ndërsa “kritikoi ashpër” edhe kryebashkiakun Artur Bushi që të vendoste maskën, ndonëse ishte në ambient të hapur.

“Duhet të vesh maskën, është me detyrim kudo, përveçse në shtëpi”-i tha Rama Bushit të bashkisë Krujë…! Kjo po lajmëron se së shpejti, duke nisur nga e enjtja, qytetarëve do u vendosen gjoba nëse nuk mbajnë edhe në ambientet e hapura maska në fytyrën e tyre të përvuajtur. Ndëshkimi do u reflektohet në faturat e energjisë dhe nuk ka “vrimë miu” ku ti fshihen këtij vendimi që po hap mjaft debate.

Gjithçka e organizuar nga Rilindja, me një grafik të frikshëm. Në fillim Rama do shfaqet me luguninë e tij të kryebashkiakëve, ministrave dhe drejtorëve me maska në fytyrë, për të dhënë imazhin se edhe kjo “elitë” zbaton me përpikmëri urdhrat e qeverisë. Dhe kur ata të mëdhenjtë “detyrohen” të mbajnë maskë, pjesa tjetër poshtë, qytetarët e thjeshtë duhet të lidhin hundë e buzë, qoftë edhe me ato rrecka që kanë në shtëpi.

Një vendim absurd, pasi sot në botë, asnjë shkencëtar dhe epidemiolog i njohur nuk sugjeron që maskat të mbahen edhe në ambientet e hapura, por vetëm në zonat e mbyllura, ku kontakti me koronavirusin është më i madh. Por qeveria jonë të imponon atë që bota e zhvilluar as e mendon. Qytetarët të kalojnë deri në frikë kolektive për tu detyruar të mbanë nën hundë dhe buzë maska, pasi ndryshe i pret një gjobë e majme, e nuk do kenë dert pa e paguar.

LEXO EDHE  Tomorri: Shqetësimi i Albpetrolit për Bankers, një kambanë alarmi

Me këtë nismë arrihen dy qëllime; Së pari njerëzit mbahen kokëulur nën frikën e pushtetit që të kërcënon me gjobë apo burg nëse kundërshton mbajtjen e maskës. Së dyti, sigurohet një shumë e konsiderueshme nga gjobat që do të aplikohen dhe ajo para që del edhe nga pështyma e tharë e një të varfëri, do të jetë “lubrifikant” për zgjedhjet e ardhëshme, pasi vota sërish do dalë në tregun e zi, ku i vetmi shitës dhe blerës dhe që ka monopolin e gjithçkaje është pushteti.

Që në nisje të idesë kryeministrore maska ra si ide se ndalon përhapjen e COVID-19, por gjobat do të mbesin dhe terrori vjen në këtë lloj forme, që me vendim qeverie njerëzit detyrohen të mbulojnë hundë e buzë në emër të koronavirusit që sot nga qeveria jonë po përdoret si një “armë shfarosëse” kundër lirisë dhe të drejrave të individit.

Sado e lartë të jetë gjoba, sad oi madh të jetë ndëshkimi, fyerja dhe raprezalja nga punonjësit e policisë, nuk priten protesta masive, ndaj Rilindja në “laboratorin” e saj në vijim mund të shpikë të tjera eksperimente që në fund kanë vetëm një qëllim: marrjen e dinjitetit dhe grabitjen e çdo të holle në xhep nëpërmjet fjalës më të përdorur në pushtet që është gjoba dhe burgu!