Kryebashkiaku Erion Veliaj po bën edhe të pamundurën për të tërhequr vëmendjen, ndërsa ka nisur fushatën për mandatin e 3-të qeverisës të Edi Ramës.
Pas shfaqjeve me artistë dhe këngëtare, ditën e sotme Erion Veliaj ka shkuar deri aty sa të futet në berberhane dhe të qethë njërin prej militantëve të Partisë Socialiste. Ky i fundit madje ka stampuar në kokë edhe ‘mandatin e 3-të’ të PS-së.
Të gjithë skenën Veliaj e ka filmuar dhe e ka publikuar në Instagramin e tij, ku kreu i bashkisë shfaqet duke marrë makinën e qethjes dhe për pak minuta bëhet “parkurier”.
Para se të kryente aktin e tij prej ‘parukieri’, Veliaj i ka bërë një pyetje të riu se ajo që kishte stampuar në kokë ishte për Playstation 3 apo Partia Socialiste mandati i tretë.
“Ça është kjo PS3? Për playstation apo Partia Socialiste, a të keqen, hajd me shëndet”, tha Veliaj duke i lëshuar edhe një shpullë pas qafe.
