Kryeministri Edi Rama ka folur në lidhje me replikat në distancë me minsitrin e Mbrojtjes të Serbisë, Aleksandër Vulin.
Ai ka ëkrkuar që presidenti serb Vuçiç t’i kërkojë falje për deklaratat e ministir të tij, ndërsa e ka etiketuar Vulin si një fatkeqësi natyrore në qeverinë serbe.
Rama është shprehur se Ministria e Jashtme do të thërrasë ambasadorin serb për t’a vënë në dijeni shtetin serb se asnjë gojë e shthurur në qeverinë e Serbisë nuk mund të lëndojë qeverinë e shqipërisë apo figurën e 1 ministri apo kryeministrit të Shqipërisë.
“Për sa i përket fatkeqësisë natyrore që zbulova se gjendet në qeverinë e Serbisë, në trajtën e një ministri, unë them që vazhdoj të pres që Presidenti i Serbisë të kërkojë ndjesë për atë fatkeqësi natyrore. E kuptoj që mund të mos ketë fuqi mbi atë fatkeqësi, por atë fatkeqësi ta mbajë mbi vete dhe mbi Serbinë.
Nërkohë që Ministria jonë e Jashtme ka vazhduar me procesin dhe ambasadori i Serbisë do të thirret për ta vënë në dijeni shtetin serb se asnjë gojë e shthurur në qeverinë e Serbisë nuk mund të lëndojë qeverinë e shqipërisë apo figurën e 1 ministri apo kryeministrit të Shqipërisë, se po qe puna për mua, e dini që këto lloj fatkeqësish natyrore mua më stimulojnë dellin e polemikës dhe nuk e kam problem, por më mjaftojnë fatkeqësitë natyrore të gatshmë në trajta presidentësh e ish-presidentësh.
Këta edhe i mbaj, por një fatkëqësi natyrore nga Serbia nuk e mbaj dot. Ta mbajë ai që e ka atje dhe t’i kërkojë ndjesë Shqipërisë”, tha Rama.
