Kryeministri Rama, në një prononcim për mediat pas mbledhjen me drejtuesit politik në qarqe në selinë rozë, foli edhe për paketën anti-shpifje.
Edhe pse Komisioni i Venecias dhe KE ka kërkuar tërheqjen e draftit dhe kanë shprehur kritika, Rama duket se nuk tërhiqet.
Kryeministri tha se paketa anti-shpifje do të kalojë në Kuvend sapo të jetë përfunduar reflektimi i rekomandimeve të Komisionit të Venecias.
Kryeministri nuk komentoi deklaratat sa i përket çeljes së negociatave, pasi tha se nuk e ka lexuar ende progres-raportin.
Anti-shpifja parashikon që AMA të shqyrtojë brenda 48 orëve ankesa të individëve, bizneseve, institucioneve, kur ato pretendojnë se ndaj tyre është shpifur, cënuar dinjiteti dhe privatësia nga mediat tradicionale dhe ato online.
AMA merr të drejtën t’u vendosë gjoba që shkojnë deri në 8 mijë Euro, nëse mediat nuk reagojnë.
LEXO EDHE:
Emrat për Kryesinë e re të PS-së?/ Rama: Ka kohë deri të premten
Rama: Nuk e kam lexuar progres-raportin, nesër do ta diskutoj me komisionerin Varhelyi
Organizimi i fushatës zgjedhore, Rama mbledh në seli drejtuesit politikë në qarqe
