Presidenti i SHBA-ve, Donald Trump pasi konfirmua pozitiv me Covid-19 dhe u shtrua në Spitalin Ushtarak “Walter Reed” në Marlyland, filloi menjëherë trajtimin.
Mësohet se përveç koktejit me antitrupa dhe “Remdesivir”, mjekët kanë zbuluar se numri një i “Shtëpisë së Bardhë” mori edhe dozën e parë të “Dexamethasone”, një kortikosteroid anti-inflamator, i lirë dhe i disponueshëm për të gjithë.
Sipas një studimi të Universitetit të Oxford, “Dexamethasone” nuk ndihmon ata që kanë simptoma të lehta të COVID-19, ose ata që nuk kanë nevojë për ndihmë në frymëmarrje. Ishte efektiv vetëm tek pacientët që kishin nevojë për oksigjen.
Kjo provë e madhe klinike përfshiu 2104 pacientë, të cilët u zgjodhën rastësisht në spital. Ata morën doza ditore prej 6 mg të barit (ose me gojë ose me venë) për 10 ditë.
Një grup tjetër i zgjedhur rastësisht prej 4321 pacientëve morën kujdes shëndetësor rutinë për COVID-19.
Ndër ata që marrin kujdes normal, vdekshmëria pas 28 ditësh ishte më e larta në grupin e pacientëve që kishin nevojë për aparatin e frymëmarrjes (41%), pak më e ulët tek ata që kishin nevojë për oksigjen (25 për qind) dhe më e ulëta midis atyre që nuk kishin nevojë për ndonjë kujdes të frymëmarrjes (13%).
“Ky është aktualisht ilaçi i vetëm që është treguar se ul ndjeshëm vdekshmërinë. Është një hap i madh përpara”, komentoi epidemiologu Peter Horby i Universitetit të Oksfordit.
Ndërkohë, ilaçi eksperimental që kanë përdorur mjekët për të trajtuar Presidentin Donald Trump do të shpërndahet në 30 ose 40 spitale në Britani pasi është konsideruar “efektiv”.
Profesori i Universitetit Oxford, Peter Horby tha se pacientët britanikë filluan ttë merrnin REGN-COV2, të krijuar nga kompania farmaceutike Regeneron.
Edhe presidenti amerikan ka marrë trajtimin për antitrupa artificial në Shtëpinë e Bardhë këtë të premte pasi u diagnostikua me Covid-19.
Profesori Horby, i cili është i specializuar për sëmundjet infektive në Oksford dhe është bashkëthemeluesi i testit të ‘Shërimit’, tha se “rreth tre spitale në veri” ishin të parët që filluan të përdorin ilaçin, duke shtuar se do të përhapet në 30 deri në 40 spitale në Britaninë e Madhe javën e ardhshme.
