Kryeministri Edi Rama u shpreh jashtë sallës së Parlamentit se Presidenti Ilir Meta duhet t’i japë përgjigje pyetjes se “çfarë borxhi i kanë shqiptarët, duke nxitur konfliktet dhe ndasitë”.
Rama tha se Shqipëria nuk i ka dhënë askujt tjetër ato që i kanë dhënë Ilir Metës, duke kujtuar pozicionet që ai ka mbajtur si Kryeministër, zv.Kryeministër, ministër, Kryetar i Kuvendit dhe President.
“Çfarë duhet të bëjnë më shumë shqiptarët për Ilir Metën?”, tha Rama.
Në vijim ai theksoi se listat e hapura nuk shpikin formula, pasi ato i ka shpikur Bota.
“Shqiptarët do të zgjedhin përfaqësuesit e tyre, janë partitë e mëdha që qeverisin vendin. S’jam as diktator, as autokrat. Ne hymë në një proces negociatash dhe dua apo s’dua unë PD është një realitet politik, ne s’mund t’a fshijmë nga tryeza meqë ajo zgjodhi të fshihte veten nga Kuvendi.
Por edhe ata që janë këtu, që janë në mënyrë aksidentale, janë pjesë e procesit”, tha Rama
