Kryeministri Edi Rama ka sulmuar Presidentin Ilir Meta lidhur me deklarimet e fundit të tij, ndërsa tha se “deri më 25 prill ai do të përshkallëzojë retorikën nga e cila na turpëron, por që s´duhet të na çudisë”.
Rama tha se tashmë Meta është zhveshur tërësisht nga kostumi presidencial dhe është vënë në krye të shtabit me qëllim shpëtimin e shpk-s së tij që drejtohet nga Monika Kryemadhi.
“Ilir Meta është zhveshur totalisht nga qëndrimi si President i Republikës dhe është hedhur në fushatë për të shpëtuar shpk-në e tij, sikundër e ka cilësuar Lulzim Basha, ndaj mos u habisni që deri më 25 prill retorikat e tij të përshkallëzohen”, tha Rama.
