Ministrja e Ekonomisë dhe Financave, Anila Denaj, ka folur sot lidhur me faktin sepse mësuesit nuk i nënshtrohen testimeve masive për Covid-19.
Pas zbulimit të ministrit Blendi Klosi se muzika e përhap me shpejtësi Covid-19, një tjetër ministre që s´ka lidhje me shëndetësinë, Anila Denaj, ka marrë rolin e një eksperteje.
“Kostoja për të gjitha mjetet mbrojtëse në shkolla, kur filloi shkolla në 14 shtator, pati një efekt prej 10 milion dollarë. Kjo kosto u kalua në pushtetin vendor, duke i dhënë një pjesë nga pushteti qendror dhe një pjesë nga ai vendor.
Kështu nevoja që do kishin shkollat do të ishte efektive. Nëse shtimi i numrit të testimeve është një strategji fituese unë do thosha nga të gjitha debatet teknike që janë bërë nga zyrtarët e shëndetësisë, ku unë jam dëgjuese nuk është efektive.
Ne duhet ti besojmë ekspertëve. Nëse në ndërrimin e turneve të mësuesve dhe këto para që u alokuan në bashki merren të gjitha masat mbrojtëse, ata do ishin të mbrojtur.
Nuk them se nëse ne rrisim numrin e testimeve të mjekët është e gabuar, por parandalimi është strategjia më e mirë. Kjo gjë shërben edhe për mësuesit”, tha ajo.
Nuk dihet nëse Klosi dhe Denaj kanë nisur ndonjë garë se kush bën zbulimin më të madh, apo nëse po tentojnë ti mbushin mendjen Kryeministrit për të kaluar në postin që sot mban Ogerta Manastirliu.
