Detajet/ Hetimet ndaj Artan Shkëmbit jo vetëm nga SPAK, por edhe nga një vend i BE

Artan Shkëmbi, drejtues i operacionit “Forca e Ligjit”, është pezulluar nga detyra me vendim të Gjykatës së Posaçme.

Një ditë më parë, u raportua se GJKKO ka pranuar kërkesën e Prokurorisë së Posaçme kundër Korrupsionit dhe Krimit të Organizuar për të pezulluar nga detyra drejtuesin e lartë të Policisë deri në përfundim të hetimeve.

Mësohet se SPAK po kryen hetime për “Shpërdorim detyre” për shkak të nxjerrjes së një sekreti hetimor nga ana e Artan Shkëmbit.

Ndërkohë që nuk ka të dhëna se për cilën dosje ka dyshime se Shkëmbi ka nxjerrë sekretin hetimor, dyshohet se gjithçka ka lidhje me një informacion që iu raportua agjensive ligjzbatuese shqiptare nga kolegët e tyre gjermanë.

LEXO EDHE  Tentativë për vrasje, grabitje, dhunë në familje/ 6 të arrestuar! Ja çfarë ndodhi natën në Tiranë

Shkëmbi ka shërbyer për 6 vjet me radhë si oficer kontakti në shtetin gjerman.

Artan Shkëmbi, i cili mbante edhe detyrën e numrit 2 të Operacionit Forca e Ligjit, dyshohet se ka dekonspiruar një informacion të kërkuar nga një agjenci ligjzbatuese e huaj për një hetim pasuror që po kryhej në ngarkim të një shtetasi me precedentë penalë.

Shkëmbi në të kaluarën ka mbajtur edhe detyrën e kreut të TaskForcës së krijuar kundër krimit, në kohën kur Ministria e Brendshme drejtohej nga Fatmir Xhafaj.

Raportohet se hetime ndaj Shkëmbit po kryhen edhe nga institucionet ligjzbatuese të një vendi anëtar të BE-së.