VIDEO/ Si sardele në automjetin 5 vendësh, ja si transportohen 11 sirianët

Shpeshherë policia raporton kapjen e personave të ndryshëm që transportojnë emigrantë të paligjshëm sirianë nga Korça drejt Tiranës.

Video e mëposhtme tregon se si në një automjet 5 vendësh ndodhen plot 12 persona, 11 emigrantë sirianë dhe drejtuesi i mjetit.

Nuk dihet se si ato janë akomoduar në mjetin, që po ndiqej nga policia.

Ngjarja ka ndodhur në hyrje të qytetit të Elbasanit në rrugën Elbasan-Librazhd.

Nga pamjet shihet se si një makinë tip volkswagen kthen befas në anë të rrugës dhe nga ajo dalin jo 4 apo 5 persona, por plot 12 vetë.

Pasi makina me emigrantë zbrazet, shihet se në autostradë kalon policia që po i ndiqte, raporton Infoelbasani.

Makina niset sërish për rrugë, por sipas burimeve zyrtare të policisë, shoferi është kapur disa metra më larg dhe ndaj tij është ngritur akuza e transportimit të paligjshëm të emigrantëve.

Gjithçka është filmuar nga kamerat e një biznesi aty pranë.