Mediu: Rama po u mohon shqiptarëve të drejtën për zgjedhje të lira

Kryetari i PR-së, Fatmir Mediu ka mbledhur shtabin elektoral të Tiranës, në kuadrin e përgatitjeve për zgjedhjet e 25 prillit.

Mediu akuzoi kryeministrin Edi Rama se ka sabotuar çdo mundësi për zgjedhje të lira.

“Si asnjëherë më parë, nga 2013 që qeveris ky regjim i korruptuar, nuk është bërë asnjë reformë zgjedhore sipas standarteve të ODHIR, por e kundërta është shkatërruar Kushtetuta, Kodi Zgjedhor, për ti mohuar opozitës dhe shqiptarëve mundësinë për zgjedhje te lira dhe të mdershme.

Rama për qëllimet e pushtetit të tij po përdor një Parlament të paligjshëm dhe qesharak, por as Rama dhe askush tjetër nuk mund ti ndalojnë shqiptarët për të rimarrë pushtetin në dorën e tyre, për tu rikthyer në rrugën Europiane”, tha Mediu.

LEXO EDHE  Motrat kapen për flokësh, përfundojnë në polici! Arsyeja e zënkës do ju bëjë të qeshni me lot

Nga ana tjetër, Mediu theksoi se Partia Republikane gjithmonë ka pasur deputetin e saj në Tiranë por në këto zgjedhje mbi 80% e strukturave drejtuese janë të rinj.

“Kam bindjen që PR do të marrë më shumë se një deputet dhe rinia do ketë përfaqësuesin e saj në parlament. Se bashku opozita dhe qytetaret e bashkuar do fitojne dhe ndertojne nje qeveri qe vjen nga vota e tyre dhe i sherben atyre”, tha më tej kreu i PR-së.