Dirigjenti i njohur Bujar Llapaj i është drejtuar me një thirrje artistëve për të reaguar, pasi Edi Rama nuk do të ndalet në idetë e tij të privatizimit të godinave të teatroove në të gjithë vendin.
Llapaj shprehet se trupat artistike do të paguajnë qira tek pronarët e rinj Edi Rama, Zana Çela dhe kompani.
“Artistët e Operas kot kërkojnë “ndihmën” e drejtoreshës, ajo është e besuara e Edit për të bërë gjithë pisllëqet që nuk kanë guxim ti bëjnë drejtorë me reputacion moral dhe artistik. Ndoshta tani bëhet më e qartë Pse-ja e dorëheqjes enigmatike të ish drejtorit Ilir Kerni”, shprehet Llapaj.
Sipas tij, ashtu si bëri me artistët e teatrit kombëtar : përça, blej, grado etj, nuk do të jetë çudi që të shikoni ndonjë “artist” të shprehet Pro Kryeministrit pa e vrarë mendjen për pasojat.
“Artistë të nderuar heshtja juaj sot do të jetë një peshë e madhe që do t’ju rëndojë gjithë jetën ashtu si po ju rëndon paraardhësve tanë pesha e heshtjes kur kryhej një krim, kur vareshin poetë!”, shkruan ai.
Thirrja e Bujar Llapaj
Miqve të nderuar Artistë të Teatrit Kombëtar të Operas Baletit dhe Ansamblit Popullor.
Edi Rama nuk do të ndalet për të realizuar idenë e tij të privatizimit të godinave të teatrove në të gjithë vendin dhe trupat artistike do të paguajnë qira tek pronarët e rinj Edi Rama, Zana Çela dhe kompani. Artistët e Operas kot kërkojnë “ndihmën” e drejtoreshës, ajo është e besuara e Edit për të bërë gjithë pisllëqet që nuk kanë guxim ti bëjnë drejtorë me reputacion moral dhe artistik. Ndoshta tani bëhet më e qartë Pse-ja e dorëheqjes enigmatike të ish drejtorit Ilir Kerni.
Ashtu si bëri me artistët e teatrit kombëtar : përça, blej, grado etj. , nuk do të jetë çudi që të shikoni ndonjë “artist” të shprehet Pro Kryeministrit pa e vrarë mendjen për pasojat.
Në vitin jo shumë të largët 1999 e kam pyetur ish Min.e Kulturës se mbi cilin model Europian e kishte mbështetur Ligjin e Ri për Teatrin dhe ai u përgjigj se Shqipëria nuk është Europë prandaj nuk mund të jetë ligji një model Europian. Edhe tani unë bëj të njejtën pyetje: Cili është raporti Trupë (apo kompani) e Teatrit Nacional apo Rajonal i Operas, Teatrit Dramatik me godinat respektive në Gjermani, Francë, Itali etj ku godinat Teatrore janë pronë shtetërore apo komunale?
Sidoqoftë unë shpesoj se artistët e Teatrit të Operas do të kenë guximin dhe përgjegjësinë ti dalin në mbrojtje kulturës dhe institucioneve kombëtare nga hajdutët dhe sharlatanët. Ky është misioni juaj të nderuar artistë për mbrojtjen e historisë ,dhe përgjegjësia juaj përpara të ardhmes, brezit të ri të artistëve.
Artistë të nderuar heshtja juaj sot do të jetë një peshë e madhe që do t’ju rëndojë gjithë jetën ashtu si po ju rëndon paraardhësve tanë pesha e heshtjes kur kryhej një krim, kur vareshin poetë!
Me nderim dhe respekt,
Miku juaj,
Bujar Llapaj
