219 mijë shqiptarë të larguar në 7 vitet e Ramës, Tabaku: 1 në 3 është i ri

“Mbi 219 mijë shqiptarë të larguar në 7 vjet qeverisje të Rilindjes”. Shifrat janë publikuar nga ish-deputetja e PD-së, Jorida Tabaku, sipas të cilës 1 në 3 të larguar nga vendi është i ri.

Tabaku shkruan se dështimi dhe gënjeshtrat e qeverisë po largojnë shqiptarët në emigracion

“Shqipëria në azilkërkim. Ky është peshqeshi që u la shqiptarëve qeverisja e Ramës në këto 7 vite. Faktet janë kokëforta dhe nuk i zbeh dot asnjë formë e propagandës bajate të Rilindjes : 219 000 të larguar!

LEXO EDHE  Rindërtimi i “Samiut”/ Veliaj, tender 5 mln euro kompanisë që nxiti protestat e Liqenit

Mesatarisht 31307 shqiptarë në vit janë larguar nga vendi që nga dita kur Rama ka nisur të flasë dhe të aplikojë vizionin shterpë mbi ekonominë dhe politikën.

1 në 3 të larguar janë të rinj. Të dështuar në gjithçka, veç dëshirës për të gënjyer. Të vjetër dhe pa vizion”, shkruan Tabaku.

Sipas saj, vizioni i PD-së është “Shqipëria në punë dhe shqiptarët në shtëpinë e tyre të madhe Shqipëri”.