Bekim Balaj apel qeverisë: Ktheni sytë nga futbolli, është krenari Kombëtare!

Klubet e Kategorisë Superiore kanë bojkotuar startin e sezonit 2020/2021 duke parashtruar katër kërkesa ndaj Qeverisë. Ligji i Sponsorizimeve, falja e kamatvonesave dhe TVSH e reduktuar janë disa nga pikat e kërkuara.

Sot, Liga Profesioniste është hedhur në sulm edhe pse u vendos heshtje për mediet, duke publikuar një video të Bekim Balajt që I bën thirrje Qeverisë për vëmendje ndaj sportit, pasi sipas sulmuesit kuqezi futbolli është krenari Kombëtare.

LEXO EDHE  Nis faza e grupeve e Ligës së Kampionëve të UEFA-s/ Përballjet

“Futbollin e kemi krenari Kombëtare dhe tani më shumë se kurrë duhet t’i gjendemi pranë. I bëj thirrje qeverisë që t’i hedhë sytë më shumë nga futbolli”, shprehet Balaj.