Juventus dhe CR7 zbresin sot në fushë, ja të gjitha takimet e Serie A

Juventusi fillon mbrojtjen e titullit në Serinë A sot në mbrëmje, teksa do të presë në Torino skuadrën e Sampdorias.

Kampionët në fuqi, vijnë me ndryshime në pankinë teksa vendin e të shkarkuarit Maurizio Sarri e ka marrë Andrea Pirlo I cili dot bën debutimin si trajner. Një emër i cili nuk ka nevojë për prezantim pasi si futbollist për bardhezinjtë ai ka fituar 4 kampionate, si dhe 1 herë Kupën e Italisë dhe 2 herë Superkupën e vendit.

Në takimin e parë Andrea Pirlo nuk do të ketë në dispozicion emra të tillë si Dybala, De Ligt, Alex Sandro dhe Bernardeschi, sidoqoftë në gjirin e skuadrës janë afruar tre mesfushorë si Arthur, McKennie dhe Kulusevski, ndërkohë janë larguar nga ekipi Miralem Pjanic, Blaise Matuidi, Gonzalo Higuain dhe Marko Pjaca.

LEXO EDHE  Video/ Man.United-Leipzig, Greenwood i jep avantazhin “Djajve”

Cristiano Ronaldo do të udhëheqë sulmin dhe portugezi premton një tjetër sezon pozitiv me bardhezinjtë ku synimi i tij është të shpallet golashënuesi më i mirë i kampionatit.

Të gjitha ndeshjet e Serie A për ditën e sotme:

Parma-Napoli 12:30

Genoa-Crotone 15:00

Sassuolo-Cagliari 18:00

Juventus-Sampdoria 20:45