Rama “heq qafe” Bushatin nga PS, e propozon Komisioner në OSBE

Ditmir Bushati, ish-ministër i Jashtëm, ka qenë një nga deputetët kritikë ndaj nismave të Qeverisë, përfshi kvtu edhe atë të njohur si paketa anti-shpifje.

Pas largimit nga posti qeveritar, Bushati humbi edhe rolin e drejtuesit politik në qarkun e Shkodrës dhe gjithashtu rrezikon të humbasë edhe të qenit anëtar i Kryesisë së PS. Por duket se Kryeministri Edi Rama ka vendosur që Bushati të mos jetë as në listën e kandidatëve për deputet në zgjedhjet e 25 prillit.

Sikundër raporton Top Channel, duke iu referuar burimeve nga OSBE, Kryeministri Edi Rama, i cili prej janarit të 2020 drejton edhe Presidencën e Organizatës, ka propozuar që Komisionerin e Lirisë së Medias, Harlem Desir të zëvendësohet nga Ditmir Bushati.

LEXO EDHE  Bilanci ditor i Covid/ Gjashtë humbje jete dhe 311 raste të reja. (Harta e të prekurve)

Nuk dihet ende nëse Bushati do ta pranojë këtë detyrë të ofruar nga Edi Rama.

Mjedisi politik në PS për ish-ministrin e Jashtëm duket se po bëhet i papërshtatshëm, veçanëerisht edhe pas ironizimeve të Ilir Beqajt, drejtuesit politik të Shkodrës, i cili tha se Bushati nuk gjendet as në Shkodër, ku u mandatua si deputet, dhe as në Tiranë.

Gjithsesi pas deklaratës së Beqajt, Bushati u shfaq në Shkodër duke darkuar me diplomaten amerikane, Yuri Kim.