Ylli Manjani, ish-ministër i Drejtësisë, ka ironizuar Kryeministrin Edi Rama, në lidhje me urimin që i ka bërë Fatos Nanon me rastin e ditëlindjes.
Manjani shkruan se Rama i lëpihet Nanos që t´a ndihmojë të marrë mandatin e tretë, ndërkohë kur ai e kërkonte mandatin e tretë, Kryeministri aktual u rreshtua hapur kundër tij.
“Po të ishte e mundur, Fatos Nano e merrte për vete mandatin e tretë kur ishte në majë të kalit. Pjesë e pamundësisë ishte edhe rrjeshtimi i hapur i Edi Ramës kundër Fatos Nanos dhe kundër mandatit të Tij të tretë.
Tani që Nanon është qytetar i lirë, pra ska asgjë në dorë Rama i lëpihet që ta ndihmojë të marrë mandatin e tretë.
Në ç’vend mund të ulë fundshpinën kjo llogjikë?
Pas letrës së Erion Velisë nxënësve, kjo e Ed Ramës për Nanon ishte e dyta më e neveritshme.
Të paktën nxënësit e prindërit e tyre e rrefuzuan letrën e Erionit…
Nejse, Nano ta gëzojë Ditën e Lindjes!”, shkruan Manjani.
