Arroganca qeveritare me varëse 10 mijë euro, BMW luksoze e çantë “Louis Vuitton”

Nga BoldNews.al

Disa vite më parë, një ambasador i huaj në Tiranë, që tashmë shtyn ditët diplomatike në Kirgistan, vuri në shënjestër gjyqtarët dhe prokurorët që mbanin bizhuteri të shtrenjta.

Nëse ulni kokën dhe mbani një orë që kushton më shumë se makina ime, jeni të korruptuar. Nëse është ky rasti, iu rekomandoj që ta lini këtë profesion menjëherë”, ishte ultimatumi i këtij ambasadori, i cili, nga ana tjetër, i siguroi një takim në Shtëpinë e Bardhë ish-ministrit të Brendshëm, Saimir Tahiri, në një kohë që emri i tij dilte në përgjimet e Anti-mafias italiane.

Por ky ambasador dhe asnjë prej institucioneve ligjzbatuese dhe kontrolluese nuk dha asnjë koment dhe aq më tepër të niste procedurë verifikuese, kur Elisa Spiropali, në postin e Drejtoreshës së Përgjithshme të Doganave, shfaqte arrogancën publikisht, duke prezantuar çantë firmato “Louis Vuitton”, me vlerë rreth 4 mijë euro.

Askush nuk reagoi as kur Spiropali u mbrojt në mënyrën më absurde, duke e konsideruar çantën një “imitim” perfekt të markës së njohur.

Spiropali, në postin e shefes së Doganave, kishte përgjegjësinë direkte për luftën kundër informalitetit dhe hyrjen në Shqipëri të mallrave imitime.

Një çantë e shtrenjtë duket se i shkon shumë një ministre të qeverisë “Rama”, post të cilin e mori pas mandatit të mbushur plot me dyshime në krye të Doganave.

Në foto: Ministrja e Shtetit, Elisa Spiropali, ish-Drejtoreshë e Doganave, dhe çanta “Louis Vuitton”

Një kolege tjetër e saj, Ministrja e Infrastrukturës, Belinda Balluku, gjithashtu nuk ka mbetur pas në shfaqjen e “arrogancës së luksit”.

Në media janë publikuar foto të saj, duke mbajtur në qafë një varëse shumë të shtrenjtë, e cila kushton rreth 10 mijë euro.

LEXO EDHE  E rëndë/ Kushuriri plagos dy vëllezërit binjakë! Detajet

Media të ndryshme aludojnë se varësja është “dhuratë” për ministren nga një kompani e paracaktuar për fitimin e një koncensioni në ndërtimin e një autostrade.

Përtej aludimeve nëse është dhuratë apo është blerë nga Balluku, faktit mbetet që në sirtarin e saj të bizhuterive gjendet aseti i shtrenjtë, i cili kushton sa të paktën 6-7 muaj pagë të ministres, gjithnjë nëse ajo nuk shpenzon asnjë qindarkë për të ushqyer veten dhe familjen e saj.

Në foto: Montash mediak për dyshimet mbi origjinën e varëses së Ministres së Infrastrukturës, Belinda Balluku

Ndoshta edhe Balluku, nën frymën e “justifikimit” të Spiropalit, mund të pretendojë se varësja është false, pra imitim.

Në listën e “arrogancës luksoze” është përfshirë së fundmi edhe “zengjini i ri”, Ministri i Brendshëm, Sandër Lleshaj, i cili u katapultua nga Kryeministri Edi Rama në këtë pozicion nga një aktivitet zero politik.

Prej disa javësh, Lleshaj udhëton me një automjet BMË, tejet luksoz, për të cilin në media janë hedhur dyshime të forta për origjinën, vlerën, si edhe targimin e tij.

Lleshaj, me arrogancën frymëzuese qeveritare, ka preferuar ta kalojë çështjen e “BMË luksoze” si diçka rutinore në qeverinë shqiptare.

Në foto: Ministri i Brendshëm, Sandër Lleshaj, duke dalë nga automjeti lukson “BMW”

Një arrogancë të tillë, me makinë luksoze, shfaqi disa vite më parë edhe kryeministri i Maqedonisë, Nikolla Gruevski.

Por, në vitin 2018, ai u dënua me dy vjet burgim, pikërisht për atë që quhet afera “Bisha”, lidhur me shpenzimet qeveritare për blerjen e një makine luksoze për Gruevskin.