Atentati me eksploziv në Tiranë, PD: Pasojë e politikave të Ramës që e la krimin të lirë

Partia Demokratike e konsideroi atentatin me eksploziv që tronditi Tiranën pasditen e së martës si pasojë e politikave të Edi Ramës që sipas PD, e ka lënë krimin të lirë të bëjë çfarë të dojë.

“Goditja mafioze, e përjetuar nga shumë qytetarë si një sulm terrorist në një nga qendrat më të populluara të Tiranës, është pasojë e politikës së Edi Ramës ‘hëngshin kokat e njëri-tjetrit’. Një politikë e tillë ka lënë krimin të lirë të bëjë çfarë të dojë, kur të dojë dhe si të dojë, duke bërë viktima të luftës së tyre edhe fëmijët, siç ndodhi mbrëmë në aktin mafioz-terrorist në Tiranë”, deklaroi Sekretari i Përgjithshëm i PD-së, Gazment Bardhi.

LEXO EDHE  Autoambulanca përplaset me “BMW X5”/ Plagoset rëndë infermierja

“Politika ‘hëngshin kokat e veta’ e ka burimin tek pakti i Edi Ramës me krimin, i cili është burimi i pasigurisë së qytëtarëve. Kryeministri në ikje ka dështuar me vendosjen e rendit dhe sigurisë, sepse ai erdhi dhe qëndroi në pushtet, duke patur ortak krimin dhe bandat. Prioriteti i tij është të mbrojë dhe të pasurojë kriminelët që i mbajnë në këmbë pushtetin dhe jo të mbrojë qytetarët shqiptarë”, shtoi ai.