Lleshaj: Atentati me eksploziv në Tiranë, akt mafioz

Ministri i Brendshëm, Sandër Lleshaj, pohoi mbrëmjen e sotme në “Open” se krimi i ndodhur mbrëmjen e sotme në Tiranë, është mafioz.

Por Lleshaj tha se bazuar në statistikat e Eurostat, në shumë vende të BE ndodhin krime shumë më tepër se në Shqipëri.

“Kjo nuk është vrasje arrogante, që ndodhi për të na dhënë një mesazh. Ky është një krim për larje hesapesh. Bandat luftojnë shtetin, krahas njëri-tjetrit”, tha Lleshaj.

LEXO EDHE  Pas akuzave të PD, Manastirliu: Sistemi shëndetësor nuk është në kolaps, gati "Covid 3"

Lleshaj pohoi se ka familje mafioze, që janë ende të padënuara.

“Krimi po luftohet në mënyrë shumë efektive, shikoni treguesit. Treguesit na thonë se ne kemi ulje të veprave të rënda penale, vrasjeve, pra trajektorja është në ulje”, theksoi Lleshaj.